سِكت الكلام لما العيون اتكلمت
همس العيون خلى المشاعر سلّمت
اما الشفايف من سكاتها اتبسمت
والبسمة راسمةع الخدود فرحة وهنا
نظرة عنيكي عوضت كل اللي فاتي
صحّت ف قلبي نبض قبلك راح ومات
ونسيت بنظرة كل دمع الذكريات
ولقيت هوايا واللقا مكتوب لنا
والقلب عايش ويا حبي اللي اتكتب
وعرفت انه في الهوى سَلّم و حَبْ
من يوم لقاكي بس عمري هايتحسب
والدنيا فاتحة حضنها وبتضمنا
ولجل خاطرك كل شيء في الكون يهون
وارضى بجنوني لو يكون حبك جنون
يكفيني اعيش ويا الهوى وهمس العيون
واعيش معاها احلى لحظة ف عمرنا
والبسمة راسمةع الخدود فرحة وهنا
ليست هناك تعليقات:
إرسال تعليق