ولقتني باموت

ولقتني باموت
******

في صراخ الدمعة المحبوسة
واليأس مخلّي كلامي سكوت

والحلم يموت قبل ميلاده
والحلم التاني أنين مكبوت

والفرح بيهرب من عيني
وان قرّب منّي يكون مشروط


والشرط يكون اني أشوفه
لكن ما افرح

والقلب يخاف يفرح مرة
واحلم واسرح

ويفوق ع الجرح اللى مخبي
لسه بيجرح

ومادمت انا مش عارف افرح
أحسن لي أموت


وباخاف م الموت
ليكون زيه زي الدنيا

واهرب من حزني والاقي الموت
أحزان تانية

معرفش ان كنت انا الجاني
والا الدنيا هي الجانية

خايف اهرب القاني ياناس
ويا الأحزان مسجون ف تابوت

من يأسي محتار وقراري
يا هاموت......يا هاموووووووت