باحبك فوق
مايتخيل بشر أو ناس
بحبك حب مش
عادي يا أغلى الناس
ولما ابعد
باكون محتار
واعيش في البعد
عنك نار
وف عنيكي باشوف
اسرار
بادوب فيها
وباشرب كاس
يخليني اعيش
احساس
جديد عمري ما
حسيته
وحبيته
وخلانى عشان
خاطرك
اهد جبال واخطي
محال
ومش ع البال
ومش في البال
افوتك تاني او
اهجر
وادوب من لمسة
بإيديكي
وف عنيكي
بيحلالي اعيش
واسهر
واعيش وياكي ف
حكاية
ونحكيها بشوق
وحنان
وانام مبسوط
واقوم فرحان
واول حاجة
بالمحها
تكون انتى
كما انتى
يا أجمل زهرة
في البستان
والاقي الورد
يتمايل
على عودك
وعطر الكون ملا
كفك
ولون الورد في
خدودك
وباتلهف على
وعودك
لما القاها
واعدتني
في حضن الشوق
وضمتني
خدتني لفوق
وخلتني
اعيش بيها
وادوب فيها
والاقي الفرحة
ف عنيها
تفرحني
تريحني
ونحلم حلمنا
صغيّر
ببيت ع القد مش
اكتر
بأشواقنا ده
راح يكبر
ويتعمر
ولا نحتار
ونتحير
ولا نبعد ولا
نهجر
ولو نسهر
نلاقي القمرة
ويانا
وكل الحزن
ينسانا
وتبقى الدنيا
فرحانة
لفرحتنا
ونور الشمس لو
يدخل
في يوم بيتنا
بأشواقنا
هايتدفا
واحط الدنيا دي
ف كفة
ومحبوبتي انا ف
كفة
وشمس الحب راح
تشرق
على شوقنا
تلاقينا قوام
روقنا
فيخجل ضيها منا
وتحسدنا على
شروقنا
وتدعي لحبنا يطوّل
وارجع اقول من
الأول
وانا عايش مع
الاحساس
بابحك فوق
مايتخيل بشر أو ناس
بحبك حب مش
عادي يا أغلى الناس
ليست هناك تعليقات:
إرسال تعليق