مابين نفسي ونفسي كلام
وكان من نفسي يوصل لك
ولو مرة سألتي الشوق
تلاقي القلب هايقول لك
مابين نفسي ونفسي كتير
باضمّك بالحنان ليا
وبافرد لك جناحي وأطير
وايدك ماسكة في ايديا
وأغمض عيني وباشوفك
ملامحك لسه في عنيا
واشوف في عنيكي حب كبير
تمللى معايا في الأحلام
مابين نفسي ونفسي كلام
مابين نفسي ونفسي ساعات
بالاقي الدنيا واخداني
اعيش وياكي في الحكايات
والاقي دموعي نسياني
اتاري العمر قبلك فات
لقيتك حبي وحناني
ومش هاعشق حبيب تاني
وبابعت لك بقلبي سلام
مابين نفسي ونفسي كلام
ليست هناك تعليقات:
إرسال تعليق